قلت خلص رح صير سياسي ومحلل سياسي
بس المشكلة لقيت العالم كلو صار سياسيين ومحللين
بطلت ..
قلت رح صير عاشق و اكتب شعر العاشقين
بس المشكلة لقيت العالم كلو صاروا عاشقين
ويكتبو بشعر الحب والمحبين
بطلت
قلت بصير رياضي و محلل رياضي
بس المشكلة لقيت العالم كلو صاروا رياضيين
و بحكو وبحللو بالرياضه
بطلت
قلت بصير فنان مطرب او ممثل
بس المشكلة لقيت العالم كلو صاروا مطربين
و كلو صار يمثل على كلو
بطلت
قلت خلص بصير فنان تشكيلي
بس المشكلة لقيت العالم كلو صاروا
لهمومهم ومشاكلهم يشكولي
بطلت
قلت بصير ثوري بحكي بالثورجية
بس المشكلة لقيت العالم كلو صاروا ثور. . جية
وبالاخر طلعوا نصهن بالاساس حرامية
بطلت
قلت خلص اخيراً ... بسكت وما بحكي شي
بس المشكلة لقيت العالم كلو سكت
وعن الغلط ما بحكي شي
العمى شو هالمصيبة هي
لقيت بالآخر إنو الغلط عندي
كل العالم بدو يقلدني
قلت ... تباً ... لأفكاري الجهنّمية
لهيك بطلت فكّر ... وريّحت راسي
من القضية ..؟؟؟
بس ياترا مين رح يفهم بعد هالشي
شو هي القضية؟؟؟؟؟؟
ليست هناك تعليقات:
إرسال تعليق