الـقـاتـلــة .. وقــتــيــل الحــب

رسالة إلى حبيبة خائنة وإلى كل

فتاة بالحب مخادعة

سيأتي يوم كما خدعتِ و خُنتِ حبيبك

سيخونك ويخدعك من لأجله و معه

خنتِ من أحبك وتركتِه يتعذب و يعاني

الله يرحم حبنا اللي قتلتيه

 جفت دموعي والبقا في حياتي 
يا للأسف كل الأسف ما بكيتيه 

انتِ الغرور اعماك مع حب ذاتك 
انتِ بديتي الحب وانتي نهيتيه

اقري عليه الفاتحه في صلاتك 
انتِ رعيتِ الحب وانتِ طعنتيه 

توني دريت ان الغدر من صفاتك 
انتِ شريتي الحب وانتِ بعتيه

عسى الثمن يكون سبت غناتك 
انتِ بنيتي الحب وانتِ هدمتيه

 الله اكبر من يسوي سواتك 
انتِ رسمتي الحب والدرب بس ما مشيتيه

اعماك عن درب الغرام كثر التفاتك
انتِ كتبتِ العهد وانتِ مسحتيه

محاوله تزوير في ذكرياتك 
مره لبستي الحب ومره نزعتِيه

هذا الهوى لا تحسبينه عباتك 
قلتِ احفظه تذكار واقول ما ابيه

تذكار حبي هو شهاده وفاتك 
خلي جمالك ينفعك واستغليه

روحي ورا اللي قال لك يا حلاتك 
اخذي الهوى وياك ليش احتفظ فيه

يمكن يجي له يوم ويهدم حياتك