خذ قلبي لجروحك ولا يجي لقلبك جروح
يسلم قلبك اللي بكـل مـا فينـي فديتـه
وشلون ما شيل همومك وانت للروح روح
لو ينشرى فرحك بعمري لجلـك شريتـه
تصغر الدنيا بعيوني وكل فرحي نسيتـه
ذبحني سطر من الالـم بعيونـك قريتـه
خلها من اسى الماضي اللي بحبي طويته
كن نور هالدنيا من صدى ضحكك خذيته
ترى بعيوني غرامك امل عمري بديتـه
لا عدمت نظر عيني دامك بطيفك ضويته
انا ادري كثر ما عطيتك حقك ما وفيتـه
خذ قلبي خذ كل ما فيني ولا تجيك جروح
انت بناظري قمه ويبقى غيـرك سفـوح
تبسم للامل خل عطـره بجـوك يفـوح
اضحك حبيبي بسمتك لي غايه وطمـوح
عطني احزانك ببني لها بصدري صروح
اشكي ما بك خـل قلبـك لقلبـي يبـوح
لو ينشغل بالك احس كل مافينـي ينـوح
ليست هناك تعليقات:
إرسال تعليق