أبــي .....أبـــكــي

 أبي أبكي من الضيقة وأبعزف للهموم ألحان
أبي اطلق مواويل الحزن وبطرح كل دواويني
أبي أشكي أبي أحكي أبوصف للبشر حرمان
أبيهم كلهم يدرون أبيهم يشعروا فيني
أبي لو جا أسمي بكى من لوعتي العشاق
أبيهم يذكرون أني صرت بدمعتي غرقان
أبيهم يعرفون الهم هو إللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي أترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني
أبي لمن يصل صوتي يحس بضيقتي إنسان
أبي لمن نزف جرحي لقيت أللي يداويني

أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني

أبيه لمركبي مرسى وأبيه لغربتي أوطان
أبي لمن أذرف الدمع لقيته لي يعزّيني

أنا ما أبيه يصبح ضلع أبيه يكون لي أضلاع
أبي لمن مشيت وطحت يحط يديه في يديني

إلا من خانني التعبير أبيه يكون لي لسان
أبي لمن سكتْ ألقاه ..يفهم من نظر عيني

أبي لمن تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان
أبي أهـــديه باقة ورد ..مسقـــــيها شراييني

 أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني