القلب قلبك .. والمشاعر مشاعرك
اجرح وعذب يا حبيبي حلالك..
غالي ولوتخطي على القلب عاذرك
سو الذي يرضيك واللي في بالك !
خابرني ميت في غرامك.. وخابرك
وان نمت في حلمي يجيني خيالك
ان كنت صاحي مع خيالك اسامرك
يعني على كيفك وذوقك وخاطرك
أموت في عينك وعقدة نواظرك
واموت في صدك واموت بوصالك
واموت في همسك ليا جيت احاورك
وفي دهشتك .. لاقلت ادور بدالك!!
واغيب معها .. وألتهي في جمالك!!
وتقول وش رايك؟ واقرب واشاورك
و الله اعلم وش نهاية دلالك ..؟!
ياأني بموت وبندفن في محاجرك
او يمكن أحيا وانهبل في هبالك!!
وتضحك وتفرج بالسعاده سرايرك
وانا على ضحكة شفايفك.. هااالك!
ذوبتني مابين ملحك . . وسكرك
واهديتني قلبك..وروحك..وحالك!!
أقدر جهودك في حبي .. وأقدرك
وأسكنك بين الحنايا .. لحالك!!
ومني جزيل الشكر والقلب يشكرك
سبحان من كمل وصوفك وصورك
وخلا مجالي يندمج في مجالك !!
إن غبت عني قمت اهوجس وادورك
وأنشد عن ديارك .. واجي وآعنالك!!
وإن جيتني برضاك .. ماجيت مجبرك
يا مرحبا ... والقلب فز ودعالك !!
بس انت تكفى دامني صرت شاعرك
إن غاب زولك .. لا يغيييب إتصاالك
أموت في حب التملك .. وانا لك !!
ليست هناك تعليقات:
إرسال تعليق