متى صوتك يفاجئني .. ويرجع لي زمـانٍ كـان
متى تضحك لي الدنيا .. وأشوفك دايـم قبالي
حبيبي لا تخلينـي .. أعانـي قسـوة الحرمـان
وأنت ساكنٍ فينـي .. وفـي حلّـي و ترحالي
تلاشت فرحتي بعدك .. وحزني في عيوني بـان
حرام اطّول الغيبة .. وبعـدك يقطـع وصالـي
تراك أنت الي في قلبي وغيرك ماسكنه إنسان
تركت النّاس والدنيا .. وجيتك يـا بعـد حالـي
تصدق ضحكتي بعدك .. غدت ديره بليا أوطان
تعال وشوف بعيونك .. دموعي و راسي العالـي
حبيبي ليمتى ببقـى .. أشيـل الهـم و الأحـزان
أبي أرسى على برك .. وأفوز بقلبـك لحالـي
| 
.jpg)
ليست هناك تعليقات:
إرسال تعليق