ما تغيَّر شي .. لكن .. صار فاضي هالمكـان
يعني إنت شفتي قلبي طحتي مِنْ عيني وعينـه
كان لك قلبي مدينه ولاحظي إني قلت : ( كان)
يعني إنت الحين وحده (خارج حـدود المدينه)
ليه مستغربه كلامي وليـه أعطيـكِ الأمـان
وليه تَكْذِبِي في كلامك العـذر وينـك ووينـه
ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك طعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان
لو تبــوسي الجرح فيني ولـو تقبلينه
يُوم أحبك قلت كلمه( يكرَم المرء أو يُهان )
وإنتي قلبي ما كرمِته وما قدرتي إلا تهينـه
عزِّتـي ما هي جديده آنا شامخ من زمان
إغسلي إيدك من رجوعي وروحي يابنت الدلال والزينه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـِك يعينـه
تدري لما قلت أحبك قلت وما عنـدي ضمـان
وإختياري كان خاطىء تجربه بالتأكيد شينـه
كنتي تخطي وكنت أسامح مرَّه مرتين وثمـان
أبلع الزله عشانك وأكتـم أنفـاسي الغبينـه
كنت أحبك وكنت أعزك والغلا فينـي جبـان
اخاف تزعلي لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان
المحبه في دنياكِ بحـــرها من غيـر مينـه
الفشل .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه
جايه تسألي عن مكانك هو بقى فيني مكان ؟؟
الله يرحمها المشاعر اللي كانت لـك رهينـه
قلت لك قلبي( مدينـه) فيها لك حشمه وشان
لكن إنتي الحين أغرب شخص في هذي المدينه
بتحداكِ ... لو كنتِ تقدري ترجعي للمدينة
و براهن بكل عمري يلي مني إنتي خديته
لو كنتِ يا حبيبة الماضي .. تقدري
من جديد تدخلي هالمدينة
أنا مامنعك..حاولي وشفي وش النتيجة
لو كنتِ بالماضي صادقة بحبك و قلبي
كان بين ايادي أمينة حاولي
أنــــــــــــــــــا بنتظر منك النتيجة
لكن ...........
لو جاه موعد سفري و ورحيلي
وقتها........ إنسي ذيك المدينة
و إنسي طريقها ...ومن سكن بالمدينة
أنـــــــــــــــــــــــــــا ماني باقي طول عمري
أنتظر منك كلمة وشوفه
و يمكن يجي كيفك ومزاجك ويمكن لا
بعتذر منك ... عطيتك اليوم أخر أمل و فرصة
تثبتي صدق كلامك و إن عشقك لي
مهو وهم و تسلية لكن حقيقة
ياويلي انا عليك . . ويا حظي فيك
ردحذف