( خذني بحضنك)

( خذني بحضنك)

تعال وغير اطباعي وعلى الزلات حاسبني
وخليني ابتسم كلي واغرق بين امواجك
بدونك دنيتي صعبه طلبتك للوصل خذني
أنا مهما ضوّى صبحي ابي ليل به سراجك

 غيابك اتعب عيوني .. غيابك كثير علمني
بأن الدنيا لو ضاقت .. فرجها عند ربك
دخيلك ارحم بحالي .. كفايه البعد عذبني
حبيبي لا تخليني .. تراني بجد محتاجك.

لوكنت تدري وش يسوي بي غيابك
والله ماغبت يا أغلى الناس عن عيني
لو ان ماصابني من هالغلا صابك
أقسم بربي ثواني ماتخليني 
لوتدري بلهفة عيوني على بابك
كان تعرف إيش بلوتي؟ وإيش معذبني
تصدق اني إذا أبي أسولف أبدأ بك
وكل السوالف لدرب إسمك توديني
أغار من عطرك ومن لهفة ثيابك
ويغار قلبي من مصافحك ليديني
عاد لاصرت تدري وش يسوي بي غيابك
أنا دخيلك رجيتك لاتخليني

خذني بحضنك أريد أغفى يااااه بعدي ماغفيت
وإن لمحت دموع عيني سوي نفسك مالمحت
خذني بحضنك وفتش في جروحي وإن قضيت
هز لي كتفي وقلي: عيب تبكي لوسمحت
ضمني يمك وضحكني لو بلحظة بكيت
تكفى ودي أذكر كيف كانت ضحكتي لاني فرحت

قد سمعتي في خيال العشق والا ماسمعتي.؟
اعشقيني اتحول لك بحر واضم درره
اعشقيني عشق مامر البشر والكون مثله
يشفي قلب الحزين ويمنع انواع المضره
اعشقيني لين أعطي الكون ياعمري مشاعر
لين اشوف الحب درب وكل من يعشق يمره
القمر والشمس والفرقا وأنا والحب وانتي
ما تشابهنا ولكن بيننا مثقال ذره..

لو الشهاده بالمحبه ماهي حرام فعتبرني لك شهيدي
بموت لعيونك غلا وأصيح يادنيا أشهدِ
لك مني أني لعشقك منا الي يوم الوعيد
عشق كما نور البدر والناس منه تهتدي
جعلك ذخر لأهل الغرام وجعلك بقلبي رصيدي
لا جيت أعبر بالغلا حطيت قلبي في يدي
ياسيدي هذا الهوى طبعه على العاشق يسوِِدِ
وانت تلاعب في خفوقي بالدلع ياسيدي

ابحكي لك عن القصه اليتيمة وكم انا عانيت
ولا أظن الدنيا تحكي لك أجمل من معاناتي
بداية قصتي بسمة كانت أول الضحكات
ولجل الورد ذاك الورد ماتت كل ضحكاتي
جلس حالي مثل ماهو حزن ودموع مانقصت
الين الله كتب والقى الأمل قدام نظراتي
ضحكت وصاحت الدنيا الحزينه قامت وضحكت
ولكن للأسف ما مداني الا وذرفت عيني
اخاف لو صحيت ابكي وهي ياكثر مابكت
بكت من جرحك لين ارتوت ارضي بدمعاتي